قالي تعالي ورايا وشتمني.. كارولين عزمي تروي تفاصيل تعرضها للتحرش.. وتعلن القبض على المتهم.. وتؤكد: «مع احترامي لزوجته وأولاده مش هتنازل» (فيديو)
كتب: ضياء السقا
كشفت الفنانة الشابة كارولين عزمي، عن تعرضها للتحرش من قبل أحد الأشخاص وهي تقود سيارتها.
ورصدت الفنانة واقعة التحرش بها بفيديو قصير عبر السوشيال ميديا، وذلك أثناء ركوبها سيارتها في الشارع، لتنشرها وتطلب حقها فيما حدث بها.
وقالت كارولين، إنها كانت في سيارتها وحدث لها تحرش من شخص بسيارته مشيرة إلى أنها عندما حاولت تفاديه قام بتوجيه السباب والشتائم لها.
وأضافت «كارولين» عبر «انستجرام»: «أنا اللى يعرفنى أو متابعنى عارف انى شخص مالوش في المشاكل ولا عمرى شاركت مشكله تخصنى سوشيال ميديا
باختصار، انهارده كنت في عربيتي وجنبي عربيه فيها واحد كسر عليا كل اللى عملتو انى بصتله وبصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفجأت وهو بيقولى بتصوريني يا بنت الـ... ،سعتها اتخضيت وبدأت اصور بجد وانتو هتشوفو في الفيديو الحركات اللي بي أيدو والشتائم».
وتابعت: «بدأ يقولى تعالى ورايا والحقيقة انى مش عارفه اروح واره فين أو كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا، انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض!، اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور ويتفضح، انا عايزه حقى يرجعلى».
القبض على المتحرش
وفي سياق متصل، أعلنت الفنانة أن الأجهزة الأمنية؛ ألقت القبض على المتهم بالتحرش بها داخل سيارتها، بعد ساعات من الواقعة.
وقالت كارولين عبر حسابها على انستجرام :" الحمد لله حقي رجعلي.. عايزة أشكر وزاره الداخلية والنيابة العامة على سرعة الاستجابة ووقفتهم.. شكرا إنكم مسكتو الشخص دا في نفس اليوم".
وتابعت: "أحب أقول لكل البنات.. أي موقف تتعرضي له أوعى تسكتي.. واجهي ومتخافيش وحقك هيجيلك.. احنا في بلد فيها قانون، نافية تنازلها عن حقها، موضحة: مع احترامي لزوجته وأولاده.. بس أنا مش هتنازل، وأتمنى يكون درس ليه وعبرة لغيره".