«إللي عملهم اتباعوا خلاص» .. «أم مصرية» تشجع إبنها في مشروعه لعمل «الطائرات الورقية» بـ «40 جنيه» : عشان ما ينزلش من البيت
الموجز - كتب - محمد علي هـاشم
بعد إنتشار ظاهرة الطائرات الورقية وعودة هذه اللعبة المصرية ، لمواجهة ملل البقاء طويلاً في المنزل .
أعلنت إحدى الأمهات عن مشروع صغير لنجلها البالغ من العمر 15 عاماً ، وهو صناعة الطائرات الورقية .
الموجز تواصل مع الطالب صاحب المشروع البسيط "محمد أشرف سالم" ، يبلغ من العمر 15 عاماً وفي طريقه لبدء مشوار الثانوية العامة.
يقول محمد :
أنا بحب اعمل حاجات وأفككها وارجع أركبها تانى وكتير ببوظ لماما حاجات وأوقات بظبطها وعايز أكون مهندس ميكانيكا .
وأضاف محمد : حابب أدخل صنايع واجتهد وأكمل هندسة عشان هتكون أسهلى من الثانوى العام .
أسرتي بيشجعوني
وعن دور الأسرة معه قال محمد : ماما على طول واقفة معايا مع إنى تاعبها جدا وشقى بس هى فكرتلى فى الموضوع دا عشان أفضل فى البيت وما ألعبش فى الشارع وبابا بيشجعنى وأختى الصغيرة
بيحب الميكانيكا
وقالت والدة محمد : هو ابنى ببحب الاختراع والتفكيك يعنى مايعرفش يقعد ورا مكتب أو فى وظيفة هو بيحب الميكانيكا قوى واللعب والرياضة.
وأضافت : حتى هو مش عايز يدخل ثانوى عام عايز يدخل تعليم فنى.
حيث نشرت الأم إعلان عن المشروع ، ننشره كما هو بدون تعديل ، حيث قالت فيه :
ابنى بيعمل طيارات الواحده ب٤٠ جنيه الى عايز ، حاليا الى عملهم اتباعو واسفه مش قادره اىد على الجميع وشكرا للى بيقول كلمه حلوه وشكرا بردو للى بيقول كلمه وحشه وجزاكم الله خير وانا مغصبتش اى حد ، الى حابب نعمله يكلمنى ماسنجر وهخليه يعمله.
وتواصل الموجز مع الأم التي قالت أن نجلها يبلغ من العمر 15 عاماً ، وأنها شجعته لكي يظل في المنزل خوفاً عليه من النزول في ظل جائحة كورونا .