عندك أحلى موز في الدنيا بـ15 جنيها للكيلو .. عمرو أديب: ليه نستورد تفاح وموز.. إيه التوت البري ده يا جماعة؟! ده حتى طعمه ميتبلعش
الموجز
قال الإعلامي عمرو أديب، إن الإفراج عن السلع في الموانئ يجب أن يكون على قدر الأولويات، مشيرًا إلى أن السلع المستوردة كالشوكولاتة والبسكويت والموز والتفاح يُمكن الاستغناء عنها في الوقت الحالي.
وأضاف خلال تقديمه لبرنامج «الحكاية»، المذاع عبر فضائية «MBC مصر»، مساء السبت: «أنا مش مهتم أوي أدخل أي سوبر ماركت ألاقي فيه شوكولاتة مستوردة أو بسكويت مستورد، ده مش وقته خالص، اللي عاوز الكلام ده يا جماعة يروح يجيبه هو، سافر سفريتك لليونان وإيطاليا هات شنطة فيها حاجتك».
واستنكر الاستمرار في استيراد الموز من الخارج، معقبًا: «أنت عندك أحلى موز في الدنيا بـ15 جنيها للكيلو، اللي عاوز ياكل موز من بلاد الموز يروح ياكله برا، المستورد هيفيدنا في إيه؟!».
وأشار إلى حاجة الدولة لاستيراد مجموعة من الأولويات كالقمح ومستلزمات الإنتاج وألبان الأطفال والمواد المكملة للصناعة، مشددًا على أهمية التعامل مع الفترة المقبلة بجدية.
وأكمل: «أنا مش يقول نحرم الناس من حتة الجبنة البيضاء، الناس تاكل جبنة بيضا ورومي ولانشون وموز وبرتقال ويوسفي وعنب نمرة واحد مصري، لكن ليه نستورد تفاح وموز، إيه التوت البري ده يا جماعة؟! ده حتى طعمه ميتبلعش».