وزير النقل: الناس اللي هتقولنا ارفعوا أسعار تذاكر القطارات

الموجز  

قال وزير النقل والمواصلات، المهندس كامل الوزير، إن قيمة تذاكر السكك الحديدية تصل إلى مليار جنيه سنوياً، فضلاً عن دخل الإعلانات، وبيع الخردة، وحصيلة استثمار الأراضي، ولكن المصروفات تصل إلى 10 مليارات.

وأضاف الوزير، في مداخلة هاتفية ببرنمج "الحكاية" الذي يقدمه الإعلامي عمرو أديب ويذاع على فضائية "إم بي سي مصر" مساء أمس الأحد، أنه يسحب من البنك المركزي على المكشوف لسد العجز، مشيراً إلى أن الرئيس عبدالفتاح السيسي وجه بضرورة الاكتفاء ذاتيا، و"منسحبش من البنك المركزي".  

وتابع: "ربنا يقدرنا ونعمل كده وننفذ التوجيه ده، بس أنا هجيب الناس اللي بتركب السكك الحديدة والإعلاميين ومجلس النواب، وهقولهم فكروا معايا، عاوز أجيب مصاريف تشغيلي وأنا دخلي كذا وبصرف كذا، هيقولوا اعمل إعلانات هقول بعمل، بيع الخردة بيبع، استغل الأراضي باستغل، خد غرامات من الناس اللي مش بتدفع باخد، بيع الهواء ببيع، هنعمل إيه يعني، يبقى مش قدامنا غير أننا نزود سعر التذاكر".

وأكد الوزير: "أنا ابعمل كل حاجة علشان أزود الإيرادات.. ولازم نزود التذاكر ولكن عندما تصل الخدمة إلى الركاب بشكل لائق".