مصاب حادث "تذكرة القطار": "مكنش معانا غير 30 جنيه ورئيس القطار فتحلنا الباب وقالنا نطوا بوشكوا
الموجز
كشف أحمد سمير، المصاب في الحادث المعروف بـ"تذكرة قطار الإسكندرية"، تفاصيل الواقعة بالكامل منذ نشوب الخلاف مع كمسري القطار على ثمن التذكرة ".
وقال "سمير" خلال مداخلة هاتفية ببرنامج "يحدث في مصر" , والمذاع عبر فضائية MBC مصر" : "إنهم اضطرا لركوب قطار vip بسبب ظروف الطقس السيئة"، متابعا : "كنا لسه راكبين القطر كان معانا 35 جنيه، ونزلت جيبت كوباية شاي بـ3 جنيه شربتها أنا ومحمد وفضل معانا 32 جنيه".
وأضاف : جه رئيس القطر قال هاتوا التذاكر وفي غرامة، وطيت صوتي وبتكلم مع الكمسري بستسمحه إن مش معانا فلوس، لأننا كنا رايحين في مصلحة شغل وما بيعناش بجنيه واحد حتى، ومش معانا غير 30 جنيه، قال طب هاتوا البطاقات، محمد قاله عايز تاخد مننا البطاقات ليه إحنا مش وش بهدلة إنت عايز تحبسنا، اعتبرنا زي إخواتك، قاله أنا إخواتي مش بيركبوا القطر، قاله طب نزلنا بنها، قاله مش بيقف غير في القاهرة .
وأختتم "سمير" : رئيس القطار انفعل علينا بشدة، الراجل كان صوته بيكهربلي وداني من الزعيق، وكنت محرج من الكلام إللي بيقوله قدام الناس، وقالنا انزلوا من القطر بوشكم، وفتح لنا الباب .