هكذا رد الزعيم جمال عبد الناصر على مؤامرة «BBC»: انتو ولاد ستين كلب
الموجز
عرض الإعلامي نشأت الديهي، فيديو لكلمة الرئيس الراحل جمال عبد الناصر، علق خلالها على سب الإذاعة البريطانية له بكلمة "كلب" في تعلقيهم على حرب اليمن .
وقال " الرئيس الراحل عبد الناصر " في الفيديو : هيئة الإذاعة البريطانية.. التليفزيون الإنجليزي.. عامل برنامج عن اليمن.. راحوا شاتمين جمال عبد الناصر بألفاظ بذيئة.. كانوا زمان بيجيبوا مركب هنا.. يهزوا الحكومة.. النهاردة لما يشتمونا نقدر نضربهم بالجزمة من أكبر واحد لأصغر واحد.. جابوا الأساطيل هنا في بورسعيد هزموهم.. هل الأساطيل نفعت معانا هنا.. في 56 صرفوا الأموال هنا.. وطلعوا بحسرتهم.. فمقدمهمش غير إنهم يشتمونا .. ولما بيشتمونا بنشعر إننا مهمين .
وتابع "ناصر" : لما تطلع هيئة الإذاعة البريطانية وتقول إن عبد الناصر كلب.. زي ما قالت.. بنقولهم وأنتوا ولاد ستين كلب.. وبعدين ده إحنا بقينا كويسين قوي.. كان زمان لما التايمز تكتب مقال كانت تسقط رئيس وزراء مصر.. دلوقتي بورسعيد سقطت رئيس وزراء بريطانيا.. الدنيا اتقلبت.. الدنيا اتغيرت.. يشتموا زي ما يشتموا .. ميهمناش