فيديو.. أسامة كمال للفاسدين: الحكومة مفتحة عينيها

كتب - جرجس ميلاد:أسامة كمال


وجه الإعلامي أسامة كمال، رسالة نارية للفاسدين ساخر بعد خبر القبض على رئيس حي الهرم (مش عارف أعمل إيه تاني ريقي نشف، يا إخواننا خللي بالكوا محمود المليجي بيقول الحكومة مفتحة عينيها اليومين دول، خفوا ايديكوا، نيموا الشغل، ألبدوا في الدرة).

وأضاف خلال برنامجه مساء Dmc، الذي يبث على قناة Dmc، اليوم الاربعاء،(مافيش فايدة، ماحدش عايز يبطل فساد ولو شوية كأن الموضوع بقى ادمان أو كأن كل واحد فاكر نفسه أذكى واحد في المنطقة ومش هيقع.. لا أنت أشطر واحد ولا أنت أذكى واحد ولا أنت معصوم ولا ليك حد هيقف في ضهرك لما تقع).

وتابع كمال  سخريته من  المرتشين والفاسدين قائلا(إهدى على نفسك شوية، مش قادر؟ حاول تعمل حاجة تنسيك شوية، أقول لك فكرة؟ امضغ لبان، كل لب أبيض، مارس هواية جديدة تنسيك شوية، اجمع طوابع مثلاً، ألعب طاولة، أو ضومانا، بس حرام عليك نفسك وأسرتك اللي بتدعي إنك بتفسد عشان تصرف عليها وتجوز البنات).

شاهد الفيديو

تعليقات القراء