أحمد موسى عن أحداث المترو: «محدش يلعب مع البلد ومبقاش في طبطبة».. فيديو

إسلام الطوانسي

صدي البلد
قال الإعلامي أحمد موسى،: «قلنا 100 مرة محدش يلعب مع البلد، محدش يفتكر نفسه إنه هينزل يعطل المترو أو القطر أو يكسر أو يخرب، محدش يلعب اللعبة دي تاني».

وأضاف موسى: «السيد الرئيس قال الحكاية دي 100 مرة، محدش يفكر في فوضى تاني، اللى عاوز يفكر أو اللى بيشتغل أو بيحرض ناس وهو مستخبي، الكلام ده كان زمان وخلص».

وأوضح موسى: «اتقبض على 20 واحد اللى عملوا تجمهر في المترو واتعرضوا على نيابة أمن الدولة امبارح وحبستهم 15 يوم، واتهموا بالاشتراك مع جماعة أنشئت على مخالفة القانون وتمنع مؤسسات الدولة من ممارسة أعمالها، والتجمهر المخل بالأمن والسلم العام ومقاومة السلطات».

وتابع موسى: «الموضوع مفيهوش هزار، وأنا قلت من شوية الداخلية رجعت أقوى مما كانت، فحضرتك تخلي بالك شوية، مفيش طبطبة مع محاولة إحداث مشاكل، 7 أو 8 سنين كان فيهم طبطبة كتير، لكن دلوقتي مفيش».

شاهد الفيديو

تعليقات القراء