تامر أمين لوزير التموين: «أنت سبب أزمة سكر»

الحياة اليوم - وزير التموين : لا يوجد أزمة سكر و تامر أمين يعلق " الحكومة السبب "

استنكر الإعلامي تامر أمين، تصريح وزير التموين، اللواء محمد المصيلحي، اليوم الخميس، عن أنه لا يوجد أزمة سكر في مصر، إلا أن السلوك الخاطئ للمواطنين سبب ما نراه من نقص؛ قائلًا: «يا معالي الوزير.. هو إحنا مش عايشين مع بعض؟ مش حاسين ببعض؟ مش شايفين بعض؟ ممكن نقول أن الأزمة تضاعفت بسبب السلوكيات الخاطئة، إنما مفيش أزمة دي جديدة لانج».
 
أضاف أمين، خلال تقديمه برنامج «الحياة اليوم»، عبر فضائية «الحياة»: «أنا متأكد إن بالنسبالك كوزير مفيش أزمة، لأنك تقدر تجيب السكر وقت ما تحب، لكن أؤكدلك إنك إنت والمحيطين بيك بس هما اللي بيقدروا يجيبوا سكر، لكن باقي المواطنين حتى الأغنياء عايشين في ضنك بسبب السكر، السكر بقى زي الهيروين، وزير التموين المفروض يكون يكون أكتر واحد حاسس بالناس يقول إن مفيش أزمة، وبعدين كمان تقول إن الناس هي اللي غلطانة؟». 
 
تابع: «الناس بتشرب شاي من غير سكر وحالتنا صعبة، اسمحلي أقولك إن فيه أزمة وأنت السبب فيها وحكومتك، إذا كنا هندور على مين السبب، المواطن ولا الحكومة، فهي الحكومة طبعًا». 
 
 
تعليقات القراء