مها أحمد عن مذيعة انتقدتها بسبب تيك توك: طلبت من ابني يتوسطلها عشان أعمل معاها لقاء
الموجز
علقت الفنانة مها أحمد على انتقادات وجهتها إحدى المذيعات لها بسبب ظهورها على منصة "تيك توك".
وقالت مها أحمد، في حوارها ببرنامج "أسرار" مع الإعلامية أميرة بدر المذاع على قناة النهار: "دي طلبت من ابني انه يبقى واسطة عشان اعمل معاها حوار وعملت معاها حوار كانت قاعدة تترعش، ومعرفش انها اخت زميلة، وانا معرفهاش عشان تقول عليا بهين الفن من خلال التيك توك، بتقوليلي كلى قناة مشفرة ومذيعة مشفرة واكيد المخرج مشفر".
وأضافت الفنانة: "يعني أنا بهين الفن؟، طيب لو كنت رضيت بأدوار إغراء وقبلات وحاجات في بداياتي كده مش بهين الفن؟، بقولها لو فاكرة اني ماتيريال عشان تطلع على كتافي أعتقد ممكن تكتب على اليوتيوب اسم أختها وهي هتلاقي ماتيريال كويس وممكن يفيدها أكتر، وأي حد يتطاول عليا أو على بيتي وجوزي معنديش غير القضاء".
يشار إلى أن برنامج "أسرار" تقدمه الإعلامية أميرة بدر ويذاع يوميا على شاشة النهار في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.