في كواليس «جعفر العمدة».. زينة: محمد سامي كل شوية يقولي أعملي مناخيرك
الموجز
اعترفت الفنانة زينة بأنها غير راضية عن شكل أنفها، مؤكدة أنها تخشى الخضوع لعمليات التجميل.
وقالت زينة، خلال حوارها مع الإعلامية أسما إبراهيم في برنامج "حبر سري" المذاع عبر فضائية "القاهرة والناس" مساء الإثنين: "أنا مش طايقة مناخيري، وكان نفسي أعمل عملية تجميل، لكن أنا جبانة".
وأضافت الفنانة: "المخرج محمد سامي طول الوقت في التصوير يقوللي إعملي مناخيرك وعلى ضمانتي، لغاية ما قلقت منه".
وواصلت: "طالما ربنا إداني نعمة الصحة، ليه آخد بنج وأفتح حاجة في جسمي أو في وشي، وممكن أموت فيها زي ناس كتير، ليه أدفع فلوس وممكن مخرجش من العملية وأنا عندي ولاد، أنا راضية بكل حاجة في جسمي".
وكشفت زينة أن المخرج محمد سامي اقترح عليها عدم المشاركة في بطولة مسلسل "جعفر العمدة"، ,الذي يعرض حاليا خلال شهر رمضان 2023.
وقالت: "محمد سامي أفتكر له الخير، ولما كنت مش موافقة في الأول قاللي اعتذري ومتعمليش حاجة إنت مش مقتنعة بيها، وأنا شايف مكانتك أكبر من كده، وإنت جاية من نجاح جامد في مسلسل الليلة واللي فيها".
وأضافت الفنانة: "كان عايزني أعتذر بأي شكل، لإنه عارف إني مترددة، لكن كلمت المنتج محمد السعدي وقلت خلاص معاكم، لإني كان نفسي أشتغل مع المتحدة ودي أول مرة".
وأوضحت أن وجود المنتج محمد السعدي خلف العمل في مقدمة أسباب قبولها الدور، بالإضافة إلى اسم النجم محمد رمضان.
وردا على سؤال هل يوجد خلاف بينك وبين المخرج محمد سامي، قالت زينة: "معنديش نقطة خلاف مع محمد سامي، لكن مش هشتغل معاه مرة ثانية، ممكن أشتغل مع مخرجين آخرين".
وعن سبب عدم حضورها سحور المسلسل، قالت الفنانة زينة: "أنا كنت في العمرة، وده كان سحور عمله المنتج محمد السعدي لكل المسلسلات، وحتى لو كنت في مصر أنا مش بحب أخرج بعد ما أخلص تصوير، وأفضل أكون مع أولادي"