منة عرفة: «لم أطلق رسميا وخراب البيوت مش سهل.. ومحدش يقدر يجبرني على الانفصال عن جوزي»
الموجز
أعلنت الفنانة منه عرفة، أن طلاقها من محمود المهدي لم يقع حتى الآن، قائلة: "طلاق رسمي على الورق محصلش لكن فيه انفصال وقبل الطلاق ما بيحصل في حاجات بتتم وبقالنا شهر ونص منفصلين وكل شيء نصيب".
وأضاف منة، خلال حوارها مع الإعلامية داليا فؤاد في برنامج "ضرب نار" المذاع عبر فضائية "القاهرة والناس"،: "ممكن يكون الواحد مقرر حاجة والموضوع يتقلب وتلاقي نفسك في حته تانية خالص".
وعن موقفها من العودة لمحمود المهدي، قالت الفنانة الشابة: "محدش بيأخذ أكثر من نصيبه وفى محاولات لكل حاجة، مش هو بس اللي بيحاول العودة وفي محاولات من ناس كتير"، مشيرة غلى أن "خراب البيوت مش سهل ومش حاجة سهل تخرب اللي بيتبني".
وأشارت منة عرفة إلى أنها تتحدث باستمرار مع طليقها محمود المهدي، قائلة: "احنا بنتكلم علطول واحنا مش بنكره بعض ولا احنا أعداء والعلاقة بينا طيبة وفيها احترام، وحياتنا مع بعض حاجة تخصنا".
كما نفت ما يشاع عن تلقيها مكالمة كانت السبب في انفصالها عن محمود المهدي، قائلة: "محدش في الحياة يجبرني أني أبعد عن جوزي ولا يخليني معاه، ولكن أثناء المشاكل كان بيجيلي مكالمات بالنصيحة على الناحيتين بالانفصال أو البقاء ولكن القرار في الأول والآخر ليا أنا".
وأوضحت منة أنها تعلمت من أزمتها أمور تساعدها في النجاح بعملها وأولها عدم الإفصاح عن حياتها الشخصية، قائلة: "عشان أنجح فى شغلي لازم فى شوية حاجات تحصل والحاجات دي لو محصلتش هتعثر شوية، بس اللي مؤمنة بيه إن مفيش حد بيوقف رزق حد".
وأضافت منة عرفة: "من ضمن الحاجات اللي عشان انجح اني متكلمش عن حياتي الشخصية، وأن الناس متبقاش عرفه عني كل حاجة، وأكون بعيدة عن الناس فيكونوا مشتاقين ليا، واشتغل على نفسي أكثر من التمثيل، الناس بتميل للحاجات الغامضة في حياة الفنان وعشان اكون ناجحة مينفعش أقدم لهم غير الفن بس".