استغاثة لوزير التعليم: كارثة بمدرسة الفتح بـ٦ أكتوبر.. البلطجية يقتحمون «دورات مياه» المدرسة ويتحرشون بالطالبات

استغاثة لوزير التربية التعليم... كارثة بمدرسة الفتح  للتعليم الأساسي بـ٦ أكتوبر

 

-البلطجية يقتحمون المدرسة يوميا ويتحرشون بالطالبات

- البلطجية اقتحموا دورات المياه بالمدرسة وتم تخليص الفتيات من أيديهم بأعجوبة

- الإدارة التعليمية ترد على استغاثات مديرة المدرسة: سندرس الشكوى!

 
ننقل لكم شهادة  Shalabawi© | شـلباوي ، الذي كتب على حسابه الشخصي بتويتر:
 
- مدرسة الفتح للتعليم الأساسي بالحي السادس ٦أكتوبر في إسكان الشباب ٦٣، المدرسة بها تعليم ابتدائي مشترك وإعدادي بنات، وتجارية بنات.
 
 
- المدرسة بجوارها مدرسة بنين، سور المدرسة واطي وبيتم اقتحام المدرسة يوميا من بلطجية من فوق السور، وامبارح اقتحموها بأسلحة بيضا وتحرشوا بالبنات.
 
- ودخلوا ورا البنات دورات المياه، وتم تخليص البنات بأعجوبة بعد مساعدة الأهالي!! مديرة المدرسة عملت السنة اللي فاتت سور شائك وقصوه البلطجية.
 
- رحت النهارده لإمام مسجد الرحمن بجوار المدرسة كان بيتكلم عن المشكلة وبيدعو الناس اللي يعرف أي حد في إدارة الأبنية التعليمية يطلب تعلية السور.
 
المديرة كل لما تكلم الإدارة التعليمية كالعادة يقولولها تلقينا شكوتك وهندرسها... كالعادة الحكومة مش هتتحرك غير لما يحصل حادثة اغتصاب أو قتل.
 
لو سمحتم وصلوا الكلام ده للصحفيين ومعدين البرامج عشان يتكلموا في الموضوع ويلحقوا البنات قبل ما تحصل مصيبة.. افتكروا الاسم كويس مدرسة الفتح.
 
 


تعليقات القراء