داني جمال يكتب: ابحث عن الشُرفة

داني جمال يكتب: ابحث عن الشُرفة
رغم إن كل نوافذ عقلك و نفسك بتطُّل على سواد الواقع من وجهة نظرهم، إلا أن دايماً بتلاقى طاقة نور و أمل جاية من شُرفة روحك بتقول لقلبك أن في أمل، و أن بُكرَّه أحسن، و إن كُل مرار بيعدي و كل ليل مصيرة يطلعله نهار.
 
ساعات كل النوافذ تطُّل على الألم و الحزن و ساعات منقدرش نفتحها أصلاً عشان نعرف هي ممكن تطُّل على أيه و بنخاف نتفاجئ من اللي ممكن نشوفة، لكن برضو تلاقي شعاع نور جي من جوَّة قلبك خارج ينور ظلام ذهنك.
 
النور و الأمل دول جايين من شُرفة روحك الموجودة في مكان عالي جواك، دوَّر على الشُرفة العظيمة دي في روحك و أطلَّع أقف فيها و هتشوف كل خبايا نفسك من فوق و هتشوف كل يأس "كَقطيع من الذئاب يعبر في ممرات النفس" و هتشوف كمان "أسراب من الأمل تحلق في سماء نفسك".
 
أبحث على الشُرفة عشان تشوف كل الأمور من فوق ،عشان تعرف تفوق و تصدق نفسك و حلمك و تشوف إمكانياتك كويس و تعرف أزاي تستخدمها حتى لو  كانت إمكانياتك دي بسيطة في بساطة بسمة طفل شاف حاجه حلوة.
 
-على فكرة حتى البسمة شُرفة أمل .
 
تعليقات القراء