د. أحمد أمين يجيب: عايز تشجع ولادك على القراءة ؟ عايزة تحببي ولادك في الكتب بدل ما بيهربوا منها كأنها بتعمل لهم حساسية ؟!
إعداد: جهاد محمود صالح
المادة الطبية: د. أحمد أمين
عايز تشجع ولادك على القراءة؟ عايزة تحببي ولادك في الكتب بدل ما بيهربو منها كأنها بتعمل لهم حساسية ؟! عايز تنمي مهارات ابنك او بنتك في القراءة؟
- يبقى لما تيجي تقرأ لأبنك أو هو يقرأ ،، يبقى لازم نقفل التلفزيون والتاب والموبايل واي أجهزة إلكترونية وقت القراءة ،، نركز في القراءة وبس ومش نشتته بأي حاجة تاني.
اقرأ أيضاً: د. أحمد أمين يجيب: أهم١٠ حاجات لازم كل أم و أب لازم يعرفوها عن الاسهال عند الاطفال
- يبقى لما تيجي تقرأ ،، متمشيش على سطر وتسيب سطر ،، القرأة تبقى بصورة منتظمة في موعد محدد يومياً عشان يتعود عليها كجزء من روتينه اليومي.
- يبقى لما تيجي تقرأ.. لا تقرأ فقط !! ،، مثل.. غير في درجة صوتك.. غير في تعابير وشك.. تفاعل أنت مع القصة عشان يتفاعل معاك.. حاول تحسسه أنك بتفرجه على تلفزيون مش بتقرأ له قصة.
اقرأ ايضاً: د. أحمد أمين يجيب: إبني بينضرب في المدرسة.. بنتي زميلتها ضربتها في التمرين.. إيه الرد الأمثل؟
- يبقى لما تيجي تقرأ، لازم تبقى عارف أنك مش بتقرأ ليه تبقى عارف أنكم أنتم الاتنين بتقرأوا مع بعض، ماتسيبهوش متلقي او مستمع بس، خليه يتفاعل معاك، اسأله في النص شوف فهم إيه، خليه يتوقع باقي الاحداث ويحكيها.
- يبقى لما تيجي تقرأ، تختار الوقت المناسب ليهمحبكتش وهو بيلعب، أو وهو عيان، أو عايز ينام أو جعان.
اقرأ ايضاً: د. أحمد أمين يجيب: ابني رائحة فمه كريهة باستمرار.. خايفة وعايزه اعرف السبب واتصرف ازاي؟!!
- لما تيجي تقرأ مهم جدا تحط صباعك تحت الكلمة عشان يربط الصوت اللي بيسمعه بالكلمة دي،، هيتعلم القراءة اسرع وأسهل.
- لما تبتدي تقرأ لازم تبقى عارف كويس أمتى توقف، عارف طفلك أمتى بيزهق وبيفقد التركيز وعارف كويس قدرته على الاستعياب شكلها ايه.
اقرأ ايضاً: رسالة هامة من د. أحمد أمين لكل أب و أم : مش لازم تطلع ابنك طبيب اوليمبي !!
مهم جدا انك تخليه يقرأ ،، بس المهم برضو انه ميزهقش من القراءة.
د. أحمد أمين دكتوراه طب الأطفال، زمالة الكلية الملكية البريطانية لطب الأطفال، زمالة الكلية الملكية الأسكتلندية للأطباء، استشاري طب الأطفال وحديثي الولادة.