بعد رفضه «المشاهد الساخنة بأعماله».. الشريف في مرمى النجوم والمخرجين.. ايتن وماجد وكريم وانجي يدعمونه.. والشناوي ومجدي أحمد: «كلام مشايخ»

الموجز

أثارت تصريحات الفنان يوسف الشريف عن وضعه بنوًداً في عقود عمله برفض تأدية أي "مشهد ساخن" بالأعمال السينمائية جدلاً كبيرًا على مواقع التواصل الاجتماعي وداخل الوسط الفني.

وأنقسم عدد كبير من المشاهير عبر حساباتهم بمواقع التواصل الاجتماعي، بين مؤيد ومعارض لتصريحات الفنان.

وشن عدد من المخرجين والفنانين هجوما على  الشريف بعد تصريحاته الأخيرة والتي أكد خلالها أنه يرفض تقديم مشاهد ساخنة أو تقديم أي دور عكس مبادئه.

وظهر الفنان  يوسف الشريف في أحد البرامج التليفزيونية مؤخراً، مشيراً إلى اتخاذه قراراً بعد فيلم "هي فوضى" بوضع بنوداً في العقد بشأن هذه المشاهد، مشيراً إلى أنه رفض أحد الأعمال السينمائية لمخرج له اسمه في المجال الفني بسبب اعتراضه على "المشاهد الساخنة".

هشام ماجد

ومن جانبه قال الفنان هشام ماجد:"في بعض الناس سواء شغالين في المجال الفني أو صحفيين أو ناس عادية استغلوا الكلام اللي قالوا يوسف الشريف في برنامجه مع رامي رضوان وابتدوا يهاجموه، وقاموا ناشرين حاجات لأفلام قديمة عملها عشان يثبتوا إنه كان بيعمل الحاجات دي عادي إنه يعني كدة بيدعي الفضيلة وكده". حسبما نشر موقع "ليالينا".

وأتم هشام ماجد تدوينته بـ:"كل الاحترام ليوسف الشريف.. فنان راقي ومحترم بيتعب على شغله وبيحترم جمهوره.. وكل الإحترام لأي حد متفق أو مختلف مع كلامه بس باحترام.. وكل واحد ليه الحرية في أفكاره طالما بيحترم اللي حوليه ومبيأذيش حد.. مش عجبك كلامه تقدر ماتتفرجش على أعماله أو تقدر متشغلوش.. إنما تطلع تقطع وتشوه فيه بحجة إنك المحامي المدافع عن حق الفن وحرية الإبداع تبقي شخص ناقص".

 

أيتن عامر

ودوّنت الفنانة آيتن عامر هي الأخرى قائلة:"بصراحة متضايقتش خالص من إنترفيو يوسف الشريف و بصراحة مش فاهمة الدوشة دي كلها ليه أنت حر ما لم تضر، بس كدة، و معتقدتش إنه ضر حد بمعتقداته أو قناعاته شابوة يا عّم".

كما نشرت إنجي علاء عبر صفحتها الشخصية بموقع التواصل الاجتماعي فيس بوك، منشورًا ترد من خلاله على كل التجاوزات في حق زوجها قائلة: “في أخبار كتير عن يوسف متداولة متحرفة بس بزيادة شويةيوسف اتكلم عن المشاهد الساخنة واعرف فنانين كتير تانيين مش بيحبوا يعملوها.. ايه اللي جاب ملامسة النساء للموضوع أوفر أوي بصراحة”.

محمد أنور

ونشر الفنان محمد أنور صورة ليوسف الشريف عبر حسابه على انتسغرام، مُذيلاً إياها بتعليق:"أيه كل الهري والكلام الفاضي وقلة الأدب اللي حصلت عشان الراجل ده، قال إنه عنده مبدأ معين هو أنه ضد المشاهد الساخنة أو الأحضان والبوس والكلام ده لأنه ببساطة بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كرمه من وسع كمان، وأنه هو مش ضد اللي بيعمل عكس كده ولا شايف نفسه أكتر احتراماُ من حد".

وأتم محمد أنور تدوينته بـ: "وعلى فكرة بقى هو صح والله العظيم وأنا نفسي اللي لسه ببدأ عملت حاجات وندمت إني عملتها ونفسي ربنا يسامحني عليها، افتكر إنك لما بتموت وأنت سايب صدقة جارية بتنفعك في قبرك وتزود حسناتك.. ممكن كمان تعمل عمل يعتبر ذنب جاري وبعد ما تموت يفضل يزود سيئاتك".

 

كريم فهمي

وجه الفنان كريم فهمي، رسالة للفنان يوسف الشريف بعد تصريحاته الأخيرة مع الإعلامي رامي رضوان.

ونشر "فهمي" صورة ليوسف الشريف، عبر حسابه الرسمي بموقع "إنسجرام"، وعلق عليها: "الراجل دا أنا بحبه وبحترمه في العموم مخلص ومجتهد وحر في رأيه ويحترم".

طارق الشناوي

وقال الناقد طارق الشناوي، في تصريح خاص لمموقع "مصراوي"، إن هذا الموضوع "متشعب" خاصة أنها ليست المرة الأولى التي يقول فيها "الشريف" مثل هذا التصريح، ولكن هذه المرة قالها بشكل مباشر جدا.

وتابع: "يوسف كل سنة كان ينزل بوست فيما معناه ماتتفرجش على مسلسلي وروح صلي، الموضوع كان غريب بالنسبة لي، إذا كنت شايف إنك بتعمل حاجة ضد الصلاة متعملهاش، وإذا كان عملك الفني ضد الصلاة ماتعملوش".

وأوضح أن "الشريف" له أفكار يحاول تطبيقها، فمثلا في إيران نجد أن هناك تطبيق قواعد مثل منع ظهور فنانة غير محجبة، أو أن تصافح الممثل حتى لو ظهرت بدور زوجته، وهكذا.

وأضاف: "هنا الوضع مختلف، ففي إيران نحن نشاهد عملا فنيا في ظل قانون السينما الإيرانية أو الدراما وهو بالكامل بهذا الشكل، لكن بالنسبة للدراما المصرية أو قانون الفن المصري لا يوجد به مثل هذه التحفظات، فيصبح الأمر نشازا".

واستكمل: "يوسف عنده جمهور وناس بيحبوه، ووجهة نظري إنه كفن أداء ممثل ينقصه الكثير، وأتساءل: هل الجمهور ده نتاج للصورة الذهنية اللي بيصدرها يوسف، وقناعاته لجمهور نفسه مؤمن بيها فعشان كده عنده هذا الجمهور".

وأكد الناقد الكبير أنه يختلف تماما مع تلك القيود، فالفن حرية، وإذا صنعت قيودًا من هذا القبيل على الحركة والنظرة، فهذا يعرقل قدرتك على التجاوب الفني في المواقف الإبداعية الأخرى.

المخرج مجدي أحمد

وكتب المخرج مجدي أحمد علي من خلال حسابه على الفيسبوك: " مكنتش عايز اتكلم في الموضوع لكن استفزني الكلام عن حرية الرأي والتعبير .. تعبير ايه انت ممثل ..جزء من عمل فنى له قواعد وأسس أهمها انه التمثيل مش واقع وإنما حاله للتأثير في مشاهد ...وبعدين انت ممثل خاضع لشروط العمل الفني ليس من حقك فرض شروط من خارجه اذا كان من حقك اصلا أن تتدخل في عمل من صلب مهنة المؤلف والمخرج مبدعا العمل الاصليين..ما علاقة كل هذا بحرية الرأي.. وهل على مخرج يحترم نفسه أن يستبدل مشهد لاب يحتضن ابنته الغائبه .. لأن الأب (الممثل ) قرر ان ابنته (الممثله) ليست ابنته فى الحقيقه أو أن هذا هو رأيه في الفن .. ما هذا الهراء .. انا مش مصدق اصلا اني باناقشه" .

المخرجة كاملة أبو زكري

أما المخرجة كاملة أبو زكري فكتبت من خلال حسابها على الفيسبوك :" الستات طلعت فيروس .. نو تاتش".

صبري فواز

بينما اكتفى صبري فواز بنشر صور نجوم الزمن الجميل خلال تقديمهم مشاهد رومانسية كرد على تصريحات يوسف الشريف. حسبما نشر موقع "أخبار اليوم".

 

 
 
 
 
 
 
 
 
 
 
 
 
 

ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه او الاحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد فجأه كل الناس شايفاه رجعي ومتخلف ومش فنان وناس قالو ده اخوان وناس قالت طب روح حجب مراتك الاول وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك

A post shared by Mohamed Anwar (@mohamedanwar71) on

تعليقات القراء