محمد أنور عن يوسف الشريف:" مهاجمة صاحب المبدأ قلة أدب وأنا ندمان على حاجات عملتها ونفسي ربنا يسامحني"

 

 

علقت الفنان محمد أنور على أزمة تصريحات الفنان يوسف الشريف قائلا:" إيه كل الهري والكلام الفاضي وقله الأدب اللي حصلت عشان الراجل ده قال انه عنده مبدأ معين إنه ضد المشاهد الساخنه أو الأحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كارمه من وسع كمان وإنه هو مش ضد اللي بيعمل عكس كده ولا شايف نفسه أكتر إحترامًا من حد".

وأضاف أنور:" فجأه كل الناس شايفاه رجعي ومتخلف ومش فنان وناس قالو ده إخوان وناس قالت طب روح حجب مراتك الاول وبعدين اتكلم وناس طلعتله مشاهد من أعمال قديمه هو بيحضن فيها وقالو إيام ماكان بيحب التلامس وكميه قله أدب في موضوع الراجل طرحه بكل أحترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني".

وتابع:" علي فكره بقي هو صح والله العظيم وأنا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها،افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك".

تعليقات القراء