هشام ماجد عن مهاجمي يوسف الشريف: ’’تاني أوسخ حاجة بعد الكورونا‘‘

كتب: ضياء السقا

دافع الفنان هشام ماجد، عن زميله يوسف الشريف، بعد الهجوم الكبير الذي تعرض له، إثر إعلانه أنه يشترط وضع بند في تعاقداته بعدم وجود مشاهد ساخنة في العمل.

وكتب هشام على صفحته بالفيس بوك: "في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي رضوان و ابتدوا يهاجموه و قاموا ناشرين حاجات لأفلام قديمة عملها عشان يثبتوا انه كان بيعمل الحاجات دي عادي و انه يعني كدة بيدعي الفضيلة و كدة...الفصيلة دي من البني ادمين هما تاني اوسخ حاجة بعد الكورونا".

وأضاف ماجد: "كل الأحترام ليوسف الشريف... فنان راقي و محترم بيتعب علي شغله و بيحترم جمهوره..و كل الإحترام لأي حد متفق او مختلف مع كلامه بس بإحترام ...و كل واحد ليه الحرية في افكاره طالما بيحترم اللي حوليه و مبيأذيش حد... مش عجبك كلامه تقدر ماتتفرجش علي اعماله او تقدر متشغلوش ...انما تطلع تقطع و تشوه فيه بحجة انك المحامي المدافع عن حق الفن و حرية الإبداع تبقي شخص ناقص ... بس كدة...كلمتين كانوا حزئني ... اتفضلوا استلموني معاه".

وكان يوسف الشريف قد أجرى لقاءً تلفزيونيًا مع برنامج “مساء dmc، الذي يقدمه الإعلامي رامي رضوان على قناة DMC.

وأدلى الشريف خلال اللقاء بعدة تصريحات أثارت الجدل على مواقع التواصل الاجتماعي، جعلته يحتل صدارة الأكثر تداولاً على موقع التدوينات القصيرة "تويتر".

وأكد يوسف الشريف على رفضه للمشاهد الساخنة والقبلات في الأعمال الفنية، موضحاً: "أنا مبستريحش خالص ودا مش لطيف بالنسبالي لما يبقى في مشاهد ساخنة أو قبلات في أعمالي، وبكتب دا في العقود، وده مش جديد، وبعمله من 10 سنين، ويهمني أوي إن المشاهد وهو بيتفرج ميضايقش من أي حاجة".

وأضاف: "نعم لجأت أني أضع هذة القيود في العقد الفني قبل امضائي عليه لكي أتجنب حدوث أي خلافات بعد بدء تصوير العمل"، مشيراً إلى أن تلك القيود عرقلت مشواره الفني، موكداً أن الأهم بالنسبة له هو "إرضاء الله سبحانه وتعالى".

تعليقات القراء