"أيمن بهجت قمر" يهاجم "إيناس عز الدين" : لازم وقفه مع اي حد بيلعب باعصابنا

الموجز

شن الشاعر "أيمن بهجت قمر"، هجوماً حاداً على المطربة "إيناس عز الدين"، بعد ما أعلنت مؤخرًا إصابتها بفيروس كورونا المستجد،  إلا أن نتيجة تحليلها ظهرت صباح اليوم أثبتت سلبيتها.

واتهمها ببث الرعب في قلوب المصريين،  مشيرا إلى أنه كان من الأفضل أن تتأكد من إصابتها قبل إعلانها للجمهور.

وكتب "بهجت قمر" عبر حسابه الشخصي بموقع التواصل الاجتماعي "فيسبوك" : انا ماليش علاقه ان المطربه الجديده ايناس صورت برص في المستشفى هي حره وده طبعا شئ محدش يقبله
انا ماليش علاقه باراءها السياسيه او اللي بتكتبه على صفحتها
لكن انا اللي اذاني نفسيا انها عيشتني في خوف على اسرتي وحالة رعب لانها عندي على الصفحه هنا وكم البوستات والفيديوهات الكتير اللي اقرت فيهم باصابتها بالمرض وكم الدعاء ليها من الناس الطيبين وكلمات المواساه وهي ما انكرتش ده وماقالتش انه اشتباه ولما المواقع كتبت اول فنانه تصاب بالكورونا مانفتش وانا عيشت بجد ليله صعبه لاني حسيت ان المرض ابتدى يدخل دايرة المحيطين بيا .. تاني يوم الصبح ابتدى صحابها يكتبوا ان التحاليل اثبتت انها مريضه بالكورونا وشفتوا ازاي ظلمتوها وهي برضه ما انكرتش وقتها ان التحاليل لسه ما طلعتش ! واهي طلعت النهارده سلبيه !
وتابع : لازم وقفه مع اي حد بيلعب باعصابنا والله اعلم هي عملت كده ليه لو هتقوللي عندها اعراض انا خدت نظره سريعه على بعض فيديوهاتها ولقيتها ممكن تكون مزكمه عندها كحه لكن كم الفيديوهات اللي عملتها والبوستات الطويله مش بتاعة حد عنده ضيق تنفس وصداع حاد لدرجة شكوكه ف الكورونا
كان ممكن تطلع تقول انا شاكه ابعتولي حد .. ننتقد ان الرقم مثلا ما بيردش ..اما عن تسييس الامر فبجملت !
ايناس .. انا بحملك كل الاذى النفسي اللي سببتيهولنا والتوتر اللي عيشتينا فيه ولازم وقفه مع اي حد يطلع يستغل الظروف والتعب النفسي اللي احنا فيه ده
وبامانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان ابرك تعمليها اغنيه انا عندي كورونا بدل ما تطلعي ديك ابونا
كانت هتبقى اشرف وهتفيدك اكتر
إخس بجد

وكانت المطربة "إيناس عز الدين"،قد أعلنت في وقت سابق عن إصابتها بفيروس كورونا ,وتم نقلها بواسطة الإسعاف لمستشفى حميات إمبابة فجر أمس وتم حجزها وتم سحب عينة منها، وأحدثت جدلا واسعا عبر وسائل الإعلام والسوشيال ميديا خلال الساعات الماضية، إلا أن نتيجة التحاليل جاءت سلبية .

تعليقات القراء