يسري نصر الله : باسم سمرة أنقذ «محمد رمضان» في خناقة عنيفة مع ناس من نزلة السمان!
الموجز
نشر المخرج يسرى نصر الله تعليقا عبر صفحته على فيسبوك بعد الأزمة التى نشبت بين باسم سمرة ومحمد رمضان وذلك بعد انتشار الفيديو الذي جمع بينهما في إحدى المناسبات الخاصة.
وقال يسرى نصر الله بعد هجوم محمد رمضان علي باسم: "باسم سمرة بالإضافة لكونه ممثلا مدهشا، أطيب وأجدع إنسان أعرفه.. فيه حاجة واحدة ممكن تخليه (وتخلي أي واحد عنده سنة نخوة) يتعصب: إن حد يدوسله أو يدوس لحبايبه على طرف أو يتعامل معاه ومع حبايبه بعجرف.. باسم يعرف معنى الصداقة والأصول".
وتابع يسري قائلا: "محمد رمضان يعرف ده كويس قوي من يوم ما اشتبك أثناء تصوير فيلم في خناقة عنيفة مع ناس من نزلة السمان وإللي خلصه منها تحديدا باسم... باسم في كل تعاملاتي معاه بيدي للدور كل مشاعره وكل انضباطه.. وكل اللي عملوا في أفلامي يعرفوا ده عنه.. عمري ماشفت باسم بيتباهى باللي عنده وباللي ماعندوش. وعمري ما شفته بيفعص أو يأذي حد أقل منه".
أضاف نصر الله قائلا: "وفي حواره مع عمرو أديب عجبتي جدا إنه يتكلم عن إزاي الصحافة والإعلام بيتجاهلوا شغل الممثلين وبيتلهفوا على الكلام عن خناقتهم.. وعجبني دعوته لمحمد رمضان إنهم يعملوا فيلم روائي قصير من بطولتهم هما الإتنين".
