«نمبر زفت وان».. زوجة أحمد الفيشاوي تنكر إساءتها لمحمد رمضان.. وصورة «البروفايل» تفضح الأمر

الموجز  

أنكرت زوجة أحمد الفيشاوي، ندى الكامل، إساءتها للفنان محمد رمضان، وذلك بعدما أثارت الجدل مؤخراً بتعليقها ضد "الأسطورة" دون مبرر.

وقامت زوجة أحمد الفيشاوي بحذف تعليقها المسئ لمحمد رمضان، قبل أن تغيّر صورة حسابها الشخصي على موقع التواصل الاجتماعي "فيس بوك"، لتقوم بنشر بوست جديد أعربت فيه عن تقديرها واحترامها للفنان.

وقالت ندى في منشورها الأخير: "محمد رمضان رجل مكافح ذو عزيمة جباره..وموهبة متفردة .. ورجل عصامي ..علي المستوي الشخصي انسان ذو خلق ..وهو صديق لـ زوجي..وشخصية متواضعة.. وانا مجبتش سيرة محمد في حاجه ولا كنت بحاول توجيه اي كلام مباشر او غير مباشر للاسطوره.لأن اللي بيكتب مش أنا".

وأضافت: "مش عشان تجيبوا clicks تكتبوا كلام غريب من عندكم .. برجاء تحري الدقه قبل كتابة اي article و اتأكدوا من الحساب اللي بيكتب باسمي عشان فيه impersonaters كتير ...وفيه كذا اكونت fake باسمي..ده راجل ربنا ادالوا حب للعربيات زي ما اي حد عنده شغف بحاجة...وانا مقدرش اسقط علي محمد لاني عندي نفس الشغف ده .ازاي أهاجمه؟".

وكانت زوجة احمد الفيشاوي قد كتبت تعليقاً على منشور لأحد أصدقائها، بعدما ظهرت مؤخراً بسيارة فارهة طراز (مرسيدس - E CALSS COUPE)، وسعرها 2 مليون و600 ألف جنيه، التي أثارت بها الجدل.

وكتبت ندى الكامل في تعليقها، وهي تشير بشكل واضح إلى محمد رمضان، قائلة: "زعلانة جدا جدا لاني ضد فكرة الاستعراض بحاجاتك وتفضل تتمادى لحد ما الحكاية بتبقي مرض.. زي ما بيحصل مع فنانين كتير الايام دي...آه بين حاجتك وانبسط بس مش لازم تقرف الناس ليل نهار انك (نمبر زفت وان)".

وأضافت: "حرام فيه ناس لما بتشوف حد بيعمل كده بتتعقد وممكن تعمل اي حاجة عشان أسلوب الضغط النفسي للاستعراض بيخلي الناس عاوزه تكون كده بأي طريقه وده خطر جدا".

تعليقات القراء