بعد وفاة هيثم أحمد زكي.. ريهام سعيد: عرفت أن الحزن بيموت.. والوحيدة إللي بتعاقب وبتحاكم وبتبهدل واتسجن.. هقرب من ربنا وأوقف السوشيال ميديا»

الموجز

غيَّب الموت الفنان الشاب هيثم أحمد زكي، في الساعات الأولى لصباح اليوم الخميس، عن عمر ناهز 35 عاما، وهو نجل الفنان الراحل أحمد زكي والفنانة الراحلة هالة فؤاد.

ونشرت الإعلامية ريهام سعيد عبر صفحتها الشخصية على مواقع تبادل الصور والفيديوهات "إنستجرام" ، صورة للفنان الفنان الشاب هيثم أحمد زكي، بالإضافة إلى صورة لها.

وعلقت الإعلامية ريهام سعيد على الصورة قائلًة: "الزعل وانا في ناس كتير ضايقتني وبتضايقني، سبت الإعلام خالص ولسه محدش سايبني في حالي ولا إعلاميين ولا صحافة ولا ناس، انا هابعد عن السوشيال ميديا عشان متضايقش، الي حصل لي كتير اوي و الظلم كان زياده اوي".

وأضافت:" انتوا عارفين أن محدش بيتوقف غيري على فرض اني غلط مع انه محصلش اكيد في ناس تانية غلطت غيرى، مش انا الوحيده الي بغلط بس انا الوحيدة اللي بنجح وكنا بنفيد بلدنا وشعبها، انا الوحيده الي بتعاقب، وبتحاكم كل شوية قضية، اتبهدلت واتسجنت، انا اقعد مع نفسي فتره طويله عشان أعيش في سلام".

وتابعت قائلًة: "احنا حوالينا مرضى كتير اوي، ربنا يشفي الجميع، جمهوري اللي يحبني رجعالكوا تاني بس بعد ما اتقرب لربنا اوي و احاول يبقي عندي طاقه استحمل السخافات وقلة الادب اللي زي الاستاذ جورج وغيره، موت هيثم خلاني اعرف ان الحزن بيموت، و أنا زعلانة من كل حاجة ومن كل الناس، كنت مستنيه تقدير اكتر من كده من أهل بلدي".

واستكملت: " أنا تعبت اوي اوي ولا عملت فلوس ولا قعدت مع اولادي ولا حافظت على صحتي كان كل همي اتقاني لشغلي وسعادة الناس و رضا ربنا، كنت بدي وقتي كله للناس عمري ما قلت غير كلمة الحق اللي دايما بتزعل و تطلع الواحد خسران. بس انا فخورة بنفسي جدا، عمري ما تملقت ولا نافقت ولا كذبت عليكوا، من اول فتاة المول الي كنتوا مصممين تطلعوها بطله لغاية اهانة التخان اللى الوحيدة اللى فكرت أعالجهم واعملهم عمليات مجانا من غير حتي تبرعات، ووعدت اني مش هاسيب واحد تخين زعلانة ومتضايقة مكنتش مستنيه تقدير بس احساس الظلم وحش اوي، حسنا الله ونعم الوكيل ولن يصح الا الصحيح في الاخر، حقي راجع، توكلت عليك يا رب".

وغيَّب الموت الفنان الشاب هيثم أحمد زكي، في الساعات الأولى لصباح اليوم الخميس، عن عمر ناهز 35 عاما، وهو نجل الفنان الراحل أحمد زكي والفنانة الراحلة هالة فؤاد.

وكانت مديرية أمن الجيزة تلقت إخطارا من مباحث قطاع أكتوبر، بورود بلاغ من خطيبة الفنان هيثم أحمد زكي بأنها حاولت الاتصال به أكثر من مرة ولم يستجب لاتصالاتها، وانتقلت قوة أمنية وبفتح باب الشقة بعد استئذان النيابة، تبين وفاة الفنان الشاب، وبنقل الجثمان للمستشفى أفاد التقرير المبدئي بأن سبب الوفاة هبوط حاد في الدورة الدموية.

وبدأ هيثم أحمد زكي مشواره الفني عام 2006 عندما استكمل ما تبقى من مشاهد فيلم "حليم" بعد رحيل والده بطل الفيلم أحمد زكي، ليقوم في العام التالي ببطولة فيلم "البلياتشو"، ثم توالت أعماله الفنية انتهاء بمسلسل "علامة استفهام" في رمضان 2019، والذي يعد آخر أعماله.

 

 
 
 
 

 
 
 
 
 
 
 
 
 

اكتر حاجه بتموت الزعل و انا في ناس كتير دايقتني و بتدايقني. سبت الإعلام خالص و لسه محدش سأيبني في حالي ولا إعلاميين و لا صحافه ولا ناس . انا هابعد عن السوشال ميديا عشان متدايقش. الي حصل لي كتير اوي و الظلم كان زياده اوي . انتوا عارفين ان محدش بيتوقف غيري علي فرض اني غلط مع انه محصلش اكيد في ناس تانيه غلطت غيري . مش انا الوحيده الي بغلط بس انا الوحيده الي بنجح و كنا بنفيد بلدنا و شعبها . انا الوحيده الي بتعاقب.و بتحاكم كل شويه قضيه . اتبهدلت و اتسجنت. انا هاقعد مع نفسي فتره طويله عشان اعيش في سلام. احنا حوالينا مرضي كتير اوي. ربنا يشفي الجميع. جمهوري الي بيحبني رجعالكوا تاني بس بعد ما اتقرب لربنا اوي و احاول يبقي عندي طاقه استحمل السخافات و قله الادب الي زي الاستاذ جورج و غيره . موت هيثم خلاني اعرف ان الحزن بيموت . و انا زعلانه من كل حاجه و من كل الناس . كنت مستنيه تقدير اكتر من كده من اهل بلدي. انا تعبت اوي اوي ولا عملت فلوس ولا قعدت مع اولادي ولا حافظت علي صحتي كان كل همي اتقاني لشغلي و سعاده الناس و رضا ربنا. كنت بدي وقتي كله للناس عمري ما قلت غير كلمه الحق الي دايما بتزعل و تطلع الواحد خسران. بس انا فخوره بنفسي جدا . عمري ما تملقت و لا نافقت و لا كذبت عليكوا. من اول فتاه المول الي كنتوا مصممين تطلعوها بطله لغايت اهانه التخان الي الوحيده الي فكرت اعالجهم و وا عملهم عمليات مجانا من غير حتي تبرعات.وو عدت اني مش هاسيب واحد تخين زعلانه و متدايقه مكنتش مستنيه تقدير بس احساس الظلم وحش اوي . حسنا الله و نعم الوكيل و لن يصح الا الصحيح في الاخر. حقي راجع. توكلت عليك يا رب

A post shared by Reham Saeed (@rehamsaidofficial) on

 
 
 
 

 
 
 
 
 
 
 
 
 

لا حول ولا قوة الا بالله ربنا يرحمه ويجعل مثواه الجنة

A post shared by Reham Saeed (@rehamsaidofficial) on

تعليقات القراء