’’هتوحشني يا طاطا‘‘.. إيمي طلعت زكريا تنعي والدها بكلمات مؤثرة

كتب: ضياء السقا

نعت الفنانة إيمى طلعت زكريا والدها الذي رحل عن عالمنا، الثلاثاء، عن عمر ناهز 59 عاماً بعد صراع مع المرض.

وكتبت إيمى، عبر حسابها على إنستجرام: "مع السلامة يا نور عينى اشوفك قريب فى الجنة اه يا قلبى اللى بينزف من بعدك ربنا يرحمك يا حبيبى ويصبرنى على فراق حضنك مش هقول كلمة بابا تانى اللهم ثبته عند السؤال يارب.. هتوحشنى يا طاطا".

وكان أخر ظهور للفنان طلعت زكريا في حفل زفاف أحمد فهمي وهنا الزاهد، نجلة زوجته، وذلك منذ شهر تقريبًا، بأحد الفنادق الكبرى.

وظهرت معه ابنته إيمي وهى تحتضنه وتغني له أغنية "يا بتاع النعناع" للمطرب مصطفى حجاج، وقبلته على وجنته.

ولم يكن زكريا في كامل صحته، إذ بدت عليه ملامح المرض.

رابط الفيديو: https://youtu.be/DkkYHgpx5Kk

وكانت الفنانة هنا الزاهد، قد نعت زوج والدتها الفنان الراحل طلعت زكريا.

وكتبت هنا عبر حسابها الشخصي بـ"إنستجرام": "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين. أنا فاتحة الصورة دي من بدري وعايزة أقولك إنك ربنا هيدخلك الجنة يا أطيب خلق الله إنت ربيت ٣ بنات كأنك أبوهم وأكتر. أنا عايزة أقولك إني معرفتش كلمة بابا غير وأنا معاك. عمري ما قولت أصلا تقريبا بابا غير ليك. كنت بجري عليك أول معمل حاجة غلط عشان تدافع عني قدام ماما. فاكرة أول بيض أومليت وقولتلي اعملي مطعم "بالهنا والشفا" وإديتني ١٠٠ جنيه عشان تشجعني أطبخ".

وتابعت: "كنت دايما تقولي إنتي هتبقى حاجة كبيرة وكنت بتشجعني. كنت فخور بيا لما اتخرجت وعيطت اليوم ده. أنا عمري ما حسيت إنك مش أبويا اللي مخلفني. أنا مش مصدقة إني مش هشوفك تاني وأقولك زازي يا زازي.. نفسي ترجع وأقولك قد إيه إحنا بنحبك كلنا وأقولك إنك أعظم ممثل. أنا بحبك أوي ومكنتش أعرف إني بحبك أوي كده. هتوحشني يا أحن إنسان عرفته في حياتي. أرجو الدعاء".

تعليقات القراء