ريهام سعيد ترد على مروان يونس: ’’السجن ده للي زيك يا بهلوان‘‘

كتب: ضياء السقا

فتحت الإعلامية ريهام سعيد، النار على الفنان والمذيع مروان يونس، بعد سخريته منها على خلفية أزمة إيقافها عن العمل بعد إهانتها لمرضى السمنة.

وكان مروان قد سخر من ريهام خلال فيديو نشره مؤخرا، قائلا: "أنا بتمنى إن ريهام تتحبس وتذيع حلقة حلوة من السجن".

وردت ريهام على يونس، عبر حسابها بإنستجرام: "أول مرة أشوف الخبر ده دلوقتي، ‏بعيدا عن إن في ناس ماتفرجتش على الحلقة و لا عرفت إني قعدت أعيد الكلام اللي اتقال في التقرير من الناس مرضى السمنة ‏اللي فوق 200 ك، حتي لو أنا قولت كلمتين تقال عشان خايفة على الناس، ده إيه ده، ده المفروض زميل؟ لا معلش ده ‏المفروض راجل".‏

وتابعت: "واحد يتمنى السجن لأم لـ تلات أولاد؟ أنت تعرف إيه هو السجن؟ والله ما قادرة أصدق أخلاقك ولا تربيتك، يا ‏خسارة علي النخوة و الرجولة. هزر و ضحك الناس يا أبو قلب أسود، حسبي الله و نعم الوكيل، الدنيا دواره يا بهلوان، الي ‏بتتكلم عليها دي عملت حاجات وحلقات أنت ماتعرفش تعمل ربعها.. السجن ده للي زيك الي ملوش لازمة ووجوده زي عدمه".‏

وواصلت الإعلامية: "الإعلام الي انت عايزه الي كله تريقه علي الفساتين و علي خلق الله يا هايف. اعلام ايه. اش فهمك انت في الإعلام. ما هو الغلط مش عليك . ما هي اتذكرت في القرآن. الايه اتقلبت".

جدير بالذكر أن ريهام سعيد قد تعرضت للإيقاف من قبل قناة "الحياة" ونقابة الإعلاميين، على خلفية تصريحاتها ضد مرضى السمنة ‏ووصفها لهم بأنهم عبء على أسرهم وعلى الدولة ويشوهون المنظر العام‎.‎

 
 
 
 
 
 
 
 
 
 
 
 
 

اول مره اشوف الخبر ده دلوقتي. بعيدا عن ان في ناس ماتفرجتش علي الحلقه و لا عرفت اني قعدت اعيد الكلام الي اتقال في التقرير من الناس مرضي السمنه الي فوق الميتين ك.الي كنت بعالجهم في نفس الحلقه بجراحات حتي لو انا قلت كلمتين تقال عشان خايفه علي الناس.او حتي لو في ناس اعتبرت اني اساءت التعبير . ده ايه ده. ده المفروض زميل؟ لا معلش ده المفروض راجل. واحد يتمني السجن لام ل تلات اولاد؟ انت تعرف ايه هو السجن؟ واللهي ما قادره اصدق اخلاقك ولا تربيتك . يا خساره علي النخوه و الرجوله. هزر و ضحك الناس يا ابو قلب اسود. حسبي الله و نعم الوكيل . الدنيا دواره يا بهلوان.الي بتتكلم عليها دي عملت حاجات و حلقات انت ماتعرفش تعمل ربعها. السجن ده للي زيك الي ملوش لازمه ووجوده زي عدمه. الإعلام الي انت عايزه الي كله تريقه علي الفساتين و علي خلق الله يا هايف. اعلام ايه. اش فهمك انت في الإعلام. ما هو الغلط مش عليك . ما هي اتذكرت في القرآن. الايه اتقلبت

A post shared by Reham Saeed (@rehamsaidofficial) on

تعليقات القراء