إصابة الفنان المصري «أحمد رجب» في دبي ..« لولا حزام الأمان كان زماني متوفي رسمي»
الموجز
تعرض الفنان الشاب أحمد رجب لحادث سير أليم تسبب في إصابته بكسر في إحدى قدميه وكسر في إصبع قدمه الأخرى وكدمات شديدة بالركبة وقصبة القدم .
وكتب الفنان على صفحته على موقع فيس بوك :-
الحمد لله قدر الله وماشاء فعل
انا بخير والحمد لله
اول حادثة اعملها ف حياتي تقريبا لولا ربنا جعل حزام الأمان سبب كان زماني متوفي رسمي
عايز اقولكم انهم قصو الباص عشان يطلعو رجلي
الحمد لله جات علي كسر ف رجلي وكسر ف صباع رجلي التانية وكدمة شديدة ف قصبة رجلي والركبة طبعا وارمة من ورا وقدام لدرجة ماكنتش عارف احركها ولا افردها
كل ده كوم [ ومش مهم ] وحب الناس والسؤال كوم تاني
وانا بقرأ كومنتاتكم عيني دمعت
طز ف أي حادثة قصاد حب الناس
آسف اني ماعرفتش ارد علي مكالمات او واتس لإن موبايلي ضاع ف الحادثة
وبالنسبة للي حسدني وقال مقضيها شغل وفن وسعيد ومزقطط اهو ياعم قعدت ف البيت ومش هاروح ورش ولا شغل .... ان شاء الله حياتك تبقي احسن وتكون استريحت
شكرا ليكم جميعا
وشارك الفنان أحمد رجب في العديد من الأعمال الفنية بالأمارات العربية ، كما شارك في عدة الأعمال المسرحية قبل سفره من مصر .