بعد انفصاله عن حبيبته.. تامر حسني يوجه رسالة إلى أحد معجبيه: اشتغل وانجح الدنيا مش هتقف بيك

الموجز    

وجه المطرب تامر حسني رسالة إلى أحد معجبيه في منشور على صفحته الرسمية على موقع التواصل الاجتماعي فيس بوك.  

وقال تامر حسني في رسالته للشاب، الذي التقط معه صورة قبل أحيائه حفلًا غنائيًا بأحد الفنادق الشهيرة بالقاهرة: "الشاب الجميل دا شافني داخل اغني في فرح وقفني وقالي أنا بشتغل تقريبًا ويتر هنا في الفندق وحبيبتي سابتني النهارده وأنا زعلان أوي بس أول ماشفتك فرحت عشان بحبك جدًا و طلب مني نتصور بموبايلي وأنا اللي أنزل صورته عندي عشان يفرح وقالي أنا اسمي محمود كان نفسي اتكلم معاه بس كنت داخل اغني".

وأضاف تامر: "المهم يا محمود يا جميل بما أني معرفش إيه الأسباب اللي بعدتكوا عن بعض وبما أني مش ناسي الحزن اللي كان في عنيك هكلمك هنا.. أكيد الدنيا مش هتقف بيك أهم حاجه تفضل تشتغل زي مانت كدا راجل و سيد الرجالة و ربنا أن شاء الله يصلحلك الحال وممكن ترجعوا أو هيكرمك بإنسانه مناسبه ليك أكتر و خلي الخير بينكم حتى في الانفصال جايز قربكم مش خير لبعض ربنا يكتبلك الصالح ويكتبلها الصالح".

وتابع حديثه قائلاً: "أهم حاجه هوصيك بيها اشتغل وإكبر وإنجح وطور من نفسك.. مين عارف جايز بعد سنين ربنا يجمعني بيك تاني واشوفك صاحب الفندق أوعى تضحك وتقول مستحيل شغلانتك وأنا صغير اشتغلتها بس طبعًا مش في فندق شيك زي دا ،كانت في مطعم أقل من بسيط وعشان راجل مايئستش فضلت ورا حلمي لحد ماوصلتله يارب توصل لحلمك أنت وكل الناس وأدي صورتك ياعم منوره عندي أهي متأكد أن كلامي إشارة ليك مهمة خليك شاطر وإفهم الإشارة".

من ناحية أخرى، استقرت الجهة المنتجة لفيلم تامر حسني "الفلوس" على موعد طرحه بالسينمات، حيث سيطرح بالسينمات ابتداء من يوم 2 أكتوبر المقبل.

الفيلم يشارك في بطولته بجانب تامر حسني كل من زينة، وخالد الصاوي، وعائشة بن أحمد، ومحمد سلام، وهو من تأليف محمد عبد ‏المعطي وإخراج سعيد الماروق‎.‎

وكانت عدد من المواقع الإخبارية وصفحات مواقع التواصل قد تداولت أنباء عن أن الزعيم عادل إمام والمطرب تامر حسني قد عقدا جلسة عمل ودية اتفقا من خلالها على تقديم فيلم سينمائى الفترة المقبلة، وهو ما نفاه تماما المخرج رامي إمام.

تعليقات القراء