مشادة حادة بين زينة ومتابعة على إنستجرام بسبب أولاد أحمد عز

كتب: ضياء السقا

دخلت الفنانة زينة في مشادة كلامية مع متابعة لها على موقع إنستجرام، بسبب أولادها، من الفنان أحمد عز.

وكانت زينة قد أثبتت نسب أولادها للفنان أحمد عز، وحصلت على حكم خلع منه مؤخرا.

بداية الأزمة بدأت عندما نشرت زينة مقطع فيديو، على حسابها، يوم عرفة، وعلقت قائلة: "الله أكبر الله أكبر الله أكبر لا إله إلا الله.. الله أكبر الله أكبر ولله الحمد.. الله أكبر كبيرا والحمد لله كثيرا، يارب ارزقكم زيارته وكل اللي يتمني يحج يحج وأنا يارب نفسي أزورك تاني".

 

بعد ذلك علقت متابعة على الفيديو قائلة: "امتى هتورينا الولاد حرام عليكي والله عايزين نشوفهم بحق حرمة يوم عرفة وريهم لينا".

من جانبها، ردت زينة بحدة قائلة: "معلش انتي متطفلة وبجحة جدًا ميصحش تكتبي تحلفيني بيوم عرفة على حاجة ماتخصكيش والمفروض الناس بتدعي وتكبر وانتي مخك وتفكيرك تشوفي ولاد فنانين، فوقي إحنا مش هننفعك روحي ادعي ده يوم كله بركة".

ثم واصلت المتابعة: "والله مكنش قصدي حاجة وحشة بس بعد ردك ده أحب أقولك إني مش عايزة اشوف ولاد فنانين أنا عايزة أشوف ولاد أحمد عز قمر زي باباهم ولا طالعين لأمهم وسبنا البركة ليكي يا تقية".

الأمر الذي أثار غضب الفنانة، والتي قالت: "ما أنا عارفة إنك مش قصدك حاجة بس اللي جواكي اركنيه على جنب وادعي وكبري مافيش وقت غير للدعاء وطلعي اللي جواكي بعدين.. ولو بتحبي أبوهم أوي كده ابقي اسأليه هو مش أنا".

اقرأ أيضا: ’’عيشي عيشة أهلك‘‘.. متابعة تهاجم ’’ناهد السباعي‘‘.. ورد ناري من الفنانة  

تعليقات القراء