العسيلي يعتذر: الفنان من غير جمهوره صفر على الشمال.. ومتابعون: "مش قابلين إعتذارك محدش بيسمعك أصلا"

أحمد أبوعقيل

اعتذر الفنان محمود العسيلي، عن إساءته لواحد من الجمهور خلال إحيائه لأحدى حفلاته الغنائية، ورفضه التصوير معه قائلا:" أنت معاك واسطة".

وقال العسيلي على موقع التدوينات القصية "تويتر" :أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه، باعتذر بشدة لكل الناس اللي اتضايقت من الفيديو اللي انتشر و باعترف أني كنت غير موفق تماما في اختيار الألفاظ و لكن الصورة والله ناقصه و كان كل نيتي عدم تمييز حد عن حد اثناء الحفلة، انا اسف مرة تانية.

— Mahmoud El Esseily (@Esseily) July 17, 2019

وتابع:" النقطة التانية ان حاولت أقول للشخص اللي انا كنت باكلمه ان ماينفعش نتصور عشان الناس دي كلها لازم تتصور تلات مرات برا الميك و لكن هو كان لحوح جدا و مصمم و كان صوته عالي جدا و بيزعق و انا مش عارف اغني فللأسف قلتله كدا بحسن نية و للأسف كل الكلام دا مش باين في الفيديو ".

— Mahmoud El Esseily (@Esseily) July 17, 2019

وعلق أحد المتابعين": معاك واسطه علشان تعتذر يعني ؟؟".

وردت رمضان :"مش قابلين اعتذارك يخول اسكت".

وعلق أيمن على اعتذار العسيلي:" بصراحة انا معرفش لية حاسس انك بتتعرض لهجوم ممنهج مع ان مجمل الكلام كان ممكن يتفهم  للكل  انك مش، بتميزة مثلا .. عن باقي الناس".

وقالت أحى المتابعات:" مين سائل فيك، عملت قصة عأساس العالم تحكي فيك والعالم مش معبرينك اصلاً، وبعدين هو شخص ولا تنين بالكتير اللي حيتصوروا معك، مفكر حالك تامر حسني ولا عمرو دياب ولا حماقي ولا مين بالظبط ؟.