’’كيد النسا‘‘.. أحمد سعد يفتح النار على طليقتيه.. وردود قوية من سمية الخشاب وريم البارودي (فيديو وصور)

كتب: ضياء السقا

واصل المطرب أحمد سعد، إثارته للجدل، بعد هجومه على طليقتيه ريم البارودي، وسمية الخشاب، خلال استضافته في برنامج "شيخ الحارة"، لبسمة وهبه، على فضائية القاهرة والناس.

وبعد هجوم سعد على سمية الخشاب، فتح المطرب النار على طليقته الأخرى، ريم البارودي، قائلا: "ريم تنازلت عن كل حقوقها عند طلاقها، ولكن ظهرت في البرامج تبكي بعد زواجي من سمية، طب ليه مبكتيش عند المأذون يمكن كنت رجعتك؟!.. فيه ستات نميرات، تسيبك بس لو سابتك تخربشك، وفيه ستات تسيبك ومتخربشكش بس متخلكش تتجوز غيرها".

وأضاف سعد: "أنا بأحترم شخصية ريم جدًا وأحبها في اللقاءات التليفزيونية لأنها بتبقى "كيوت أوي"، ولكن في الحقيقة شخصيتها مختلفة وبالرغم من موافقتها على طلاقنا إلا أنها لم توافق على ارتباطى بغيرها، رغم إن زواجنا استمر 6 أيام فقط".

ووجه المطرب رسالة لريم من خلال أغنية قام بغنائها لها، وتقول كلماتها: "اللي فات كله مات يالا شكرا سلام.. انتهيت وابتديت مش هينفع كلام.. كنت جمبك حاربت وتعبت ومشاعرك رخاص.. انت بسهولة سبت ورجعت لا أبعد خلاص".

البارودي ترد

من جانبها ردت البارودي على تصريحات سعد قائلة: "سمعت إني اتجوزت ستة أيام، لا أنا أصلا اتجوزت رسمي على الورق أمام الله بعد سنين طويلة.. يلا مش مهم بس المهم بقى كفاية هبل وقلة أدب، واللي مش حسمح بيه إن يا حرام إننا اتعملنا عمل من إحدى زوجاته عشان نطلق بعد ستة أيام".

وأضافت عبر انستوري حسابها بانستجرام: "أقسم بالله وحياة الشهر الكريم أنا عاملة حساب لمرضك مش أكثر، لو على الأعمال بطلب من أسرة مسلسل السبع بنات تقول اللي حصل بالكواليس".

وواصلت: "بعد محاولات 14 سنة لإصلاح بني أدم.. تزوجت لمدة 21 يوما".

Image icon 18556867741557502403.jpg

سعد وسمية

وكان سعد قد هاجم سمية الخشاب في نفس البرنامج، قائلا: "الست اللي تخرج أسرار زوجها تبقى مش تمام، وهى خدعتني بسبحتها وجذبتني إليها وسرقتني".

كما روى قصة شرائه شقة باسمها لأنه لا يجيد تعاملات البنوك والشيكات ودفع الأقساط، كي يعيشا معا، ودفع مقدم الشقة وأول 10 شهور من الأقساط، وعندما طالبها بأن تعيدها له رفضت، وقالت إنه سترد له المبلغ، وبالفعل دفعت ربعه فقط، وكان هذا سبب الخلاف، ووقع طلاق شفوي قبل الطلاق الرسمي بـ6 أشهر.


رد ناري من سمية

من جانبها ردت الخشاب على تصريحات سعد، عبر حسابها على إنستجرام قائلة: "أنا مش هارد عليك احتراما للعلاقة الروحانيه الي كانت بنا والي كانت كلها حب واحترام للعيش والملح.. بس هتتحاسب علي الكلام ده انت والزميلة بسمة الي ماعندهاش وقت غير انها تتدخل في خصوصيات الناس وتشوه صورتهم قدام الجمهور المحترم عشان كده كان ليا حق ارفض اطلع في برنامج غير محترم زي ده".

وأضافت سمية: "انا اكيد هرد عليكم وده من حقي لان الساكت عن الحق شيطان اخرس.. ومع احترامي للجمهور والناس مش اي حاجه تتقال نصدقها في كلام يتقال صدق وفي كلام كدب ..بس الصح صح والغلط غلط.. إن شاء الله هوضح ده في رد قريبا جدا من اتهام في حاجات انا معملتهاش.. الله يسامحكم".

Image icon 1234.jpg

اقرأ أيضا: أحمد سعد يكشف المستور: سمية الخشاب مش تمام وسرقتني.. ورد ناري من الفنانة (فيديو وصور)  

تعليقات القراء