مذيعة «cbc سفرة» ترد لأول مرة على منتقدي خلعها الحجاب

خرجت الإعلامية غادة جميل، مقدمة برنامج «اتفضلوا عندنا» عبر فضائية «سي بي سي سوفرة»، عن صمتها، معربة عن غضبها الشديد من الهجوم التي تتعرض له بعد خلعها للحجاب.

ونشرت غادة، عبر صفحتها الشخصية بموقع تبادل الصور والفيديوهات «إنستجرام» بيانًا، قالت فيه: «بصراحة موضوع التعليق على قلعي للحجاب بقي أوفر ومستفز وبوخ أوي، وبقالي شهور ساكتة ومش برد أصل الشتيمة مش بتلزق وزي ما كنا بنقول زمان واحنا صغيرين الشتيمة بتلف تلف وترجع لصاحبها، ولكن طالما انتوا على الصفحة بتاعتي سواء الإنستجرام أو الفيس بوك يبقى لازم نلتزم بشوية احترام من غير كلام خارج عن حدود الأدب».

وأضافت: «بحترم اللي زعلان عشان قلعت الحجاب لأننا كلنا عارفين إن الحجاب فرض ولازم على كل بنت مسلمة إنها تلتزم بيه وإني أتخلي عن دا لأسباب ترجعلي أنا بس ومتهيألي إنه موضوع بين العبد وربه ومحدش فيكوا هيتحاسب مكاني ولا هطلب من حد يسلفني حسناته يوم الحساب، فاللي مش عاجبها ولا عاجبه يا تدعى دعوة حلوة بظهر الغيب أو تلتزم الصمت لأن ربنا بس اللي عالم باللي جوه قلب كل واحد».

وأنهت غادة بيانها: «أنا مش فاهمة تحكموا على إيه ما كل واحد يخليه في حاله وفي الامتحان اللي ربنا مديهوله نركز شوية في نفسنا وفي الورقة بتاعتنا وبطلوا تبصوا في ورقتي عشان دي حياتي.. فمن يحمل لي حبا ولو بالقدر البسيط فليدعو لي».

تعليقات القراء