تحذير شديد اللهجة من السيسي لمستغلي أزمة كورونا.. ويؤكد: هنوفر كمامات بالمجان

كتب: ضياء السقا

أكد الرئيس عبد الفتاح السيسى ثقته فى وعى الشعب المصرى، مؤكدًا أن الحزم ليس معناه الترهيب، ولكنه إجراءات نعملها مع بعضنا من أجل بلدنا ومستقبلنا.

وخاطب الرئيس المواطن المصرى بقوله: "حرصك ينعكس فى الآخر على مستقبل البلد وشبابها، وأى تطور صعب لا قدر الله تكلفته هتكون كبيرة جدًا علينا".

وأضاف الرئيس خلال تفقده العناصر والمعدات والأطقم التابعة للقوات المسلحة المخصصة لمكافحة كورونا : "لو كنا التزمنا من أول مارس بناء على إجراءات الحكومة كنا هنديى اقل بكتير فى حجم العدد والخسائر".

وشدد السيسي، على أهمية تطهير وتعقيم وسائل النقل والمواقف، مثل السكة الحديد ومترو الأنفاق ، مضيفا: "دى حرب ودى وقتها ومقدرين ده ونحاول ان نعمله ، لما بشوف الدنيا عاملة أزاى فى الشوارع وبنزل مش حاسس من إجراءات الناس أنها مخليا بالها وبشوف ناس مش حاطة الكمامات في الميكروباصات".

وأكد الرئيس السيسي استعداده الكامل في توفير الكمامات بنصف التكلفة أو مجانا، قائلا:" الكمامات لو الأمر محتاج نوزعها بنصف التكلفة أو من غيرها خالص"، مش عاوزين ناخد إجراء أكثر حدا فى عشان حياتنا متتوقفش".

وقال: "لست مع تعطيل عمل الدولة المصرية ونوقف الحياة كاملة.. ده خطير جدا فيه ملايين من الناس يبتشغتل فى الدولة".

وأوضح أن كل السلع متوفرة ولا يوجد أى داعى للخوف، مشددا على أن الحد الأدنى للاحتياطى الاستراتيجى لا يقل عن 3 أشهر.

وحذر الرئيس عبد الفتاح السيسى، من تهاون المواطنين فى مواجهة أزمة فيروس كورونا.

وقال الرئيس: "ساعات بنزل لوحدى أشوف الدنيا ماشية ازاى فى الشارع فى الوقت اللى ما فيهوش حظر.. ومش حاسس من إجراءات الناس إنها واخدة بالها، بشوف ميكروباص والناس قاعدة فيه وماحدش حاطط كمامات".

وأضاف الرئيس أن الأمر لو محتاج إننا نوزع هذه الكمامات بنص التكلفة أو بدون تكلفة خالص مفيش مشكلة.

وتابع الرئيس: "أنا اطمنت على السكة الحديد والمترو لكن محتاجين تطهير كل وسائل النقل فى الدولة وده دور الدولة والجيش".

وحذر الرئيس من البناء المخالف، متابعا: "بمر مرور خفيف فى أوقات مش متوقعة وبشكل هادى، فوجئت بناس بتبنى وبقول الكلام ده للمحافظات ومحافظة القاهرة وهدى مثال واضح مصرف الطوارئ كان عبارة عن منطقة مخلفات وناس عايشة بشكل لا يليق عملنا إسكان ليهم وسكناهم فيها وعملنا محور عشان يخلى الناس تطلع على الدائرى بسهولة وفجاة القى الناس بتبنى بشكل فين التخطيط والرخص للكلام ده".

وأضاف الرئيس: "ده كلام خطير اوعوا حد يتصور أن الدولة مشغولة فى المواجهة مع فيروس كورونا دى احنا بنحل مسائل من سنين فى التعدى على الاراضى ومش هنقبل كده ..محدش هيتصور أن البناء المخالف هنسيبه"..بعض الشوارع لا تستوعب عربيات الناس .هو حد يتصور حجم العمل اللى اتعمل فى شرق القاهرة وشلنا خطوط المترو وخلينا شوارع وفجاة بقت كلها جراج ..ولقيت أن فيه نقاش اركن عربيتى فين هو الشارع معمول علشان الناس تمشى فيه ولا نركن عربيات فيه؟.

 

تعليقات القراء